संजय गायकवाड ( रायगड जिल्हा उपसंपादक)
उलवे, ता. २४ : “सर्वांच्या स्वप्नांना वेताळेश्वराची साथ लाभो”— अशा भावनिक शब्दांत आंतरराष्ट्रीय कामगार नेते व काँग्रेसचे रायगड जिल्हाध्यक्ष महेंद्रशेठ घरत यांनी रविवारी (ता. २३) खांदेरी–उंदेरी जलदुर्गावर वेताळेश्वराचे दर्शन घेतल्यानंतर गाऱ्हाणे मांडले.
यासाठी खास पनवेलच्या जनरल प्रॅक्टिशनर असोसिएशनमधील ५० डॉक्टर्ससह तब्बल २०० जणांची जलदुर्ग सफर महेंद्रशेठ घरत यांनी आयोजित केली होती.
तीन लॉंच, कोळी पेहराव आणि ‘ओंकार स्वरूपा’चा गजर
सकाळी साडेआठ वाजता उरण मोरा जेटीवर तीन सजवलेल्या लॉंचची तयारी पाहण्यासारखी होती.
एका लॉंचमध्ये पनवेलचे डॉक्टर्स तर उर्वरित दोन लॉंचमध्ये एम. जी. ग्रुपचे सहकारी होते.
कोळी पेहरावात प्रवासाला सुरुवात होताच, गायक नाना गडकरी यांनी ‘ओंकार स्वरूपा’ या अभंगाने वातावरण भाविकमय केले. प्रवास पुढे जात असताना स्वतः महेंद्रशेठ घरत यांनी कोळी गीते, मैत्रीगीतं आणि हिंदी बहारदार गाणी गाऊन सहकाऱ्यांसह रंगतदार नृत्याचा फड उडवला.
साडेतीन तासांच्या प्रवासानंतर जलदुर्गावर दर्शन
साडेतीन तासांच्या सागरी प्रवासानंतर खांदेरी–उंदेरी जलदुर्गावर पोहोचताच ब्रास बँडच्या तालावर आणि गुलालाच्या उधळणीमध्ये सर्वांनी वेताळेश्वराचे दर्शन घेतले.
महेंद्रशेठ घरत यांनी विधिवत पूजा करून सर्वांच्या आयुष्यात आनंद, सुख, समृद्धी नांदो म्हणून वेताळेश्वराकडे गाऱ्हाणे मांडले. त्यानंतर सर्व सहकाऱ्यांसाठी स्नेहभोजन आयोजित करण्यात आले.
“सहकाऱ्यांच्या आनंदासाठी ही परंपरा कायम” — महेंद्रशेठ घरत
यावेळी महेंद्रशेठ घरत म्हणाले :
> “गेल्या पाच-सहा वर्षांपासून मी माझ्या सहकाऱ्यांसह वेताळेश्वराच्या दर्शनासाठी येत आहे. यंदा डॉक्टर्स मित्रांना घेऊन आलो. दरवर्षी नवीन सहकारी जोडले जातात. सर्वांनी आनंद घ्यावा हीच माझी भूमिका आहे.”
पनवेलच्या डॉक्टर्सचा दुर्गस्वच्छतेसाठी सहभाग
जनरल प्रॅक्टिशनर असोसिएशनचे अध्यक्ष डॉ. वैभव मोकल, खजिनदार डॉ. संदेश बहाडकर यांच्यासह ५० डॉक्टर्सही या प्रवासात सहभागी झाले.
डॉ. मोकल म्हणाले :
> “खांदेरी–उंदेरीला आम्ही पहिल्यांदाच आलो होतो. आमचा उद्देश दुर्गस्वच्छता मोहीम होता. महेंद्रशेठ घरत यांनी अप्रतिम नियोजन केले. सागरी किल्ल्याची भव्यता पाहून आम्ही भारावलो.”
तसेच त्यांनी किल्ल्याच्या तुटलेल्या तटबंदीवर तात्काळ पुनर्बांधणीची गरज असल्याचे सांगितले.
वेताळेश्वराची कृपा आणि परंपरेचा अभिमान
महेंद्रशेठ घरत पुढे म्हणाले :
> “2019 पासून नोव्हेंबरमध्ये खांदेरी–उंदेरीला जाण्याची परंपरा सुरू केली. वेताळेश्वराच्या दर्शनाने मन प्रसन्न होते. आगरी–कोळी समाजावर वेताळेश्वराची नेहमी कृपा राहिली आहे.”
प्राध्यापक प्रमोद कोळी यांचा वाढदिवसही साजरा
या विशेष सागरी सफरीत प्राध्यापक प्रमोद कोळी यांचा वाढदिवसही आनंदात साजरा करण्यात आला.
खांदेरी–उंदेरी जलदुर्गाची सफर, वेताळेश्वराचे दर्शन आणि स्नेहभोजन — या सर्वांनी संपूर्ण सहकाऱ्यांना अविस्मरणीय क्षणांची भेट दिली. महेंद्रशेठ घरत यांच्या पुढाकारामुळे उरण–पनवेल परिसरात सागरी पर्यटनाची नवी ऊर्जा निर्माण होताना दिसत आहे.
