नेताजी खराडे ( क्राईम रिपोर्टर )
मो.नं. 70281 92140
यवत : यवत पोलीस ठाणे, पुणे ग्रामीण हद्दीत दारूबंदी कायद्यांतर्गत कारवाई करत पोलिसांनी एका संशयिताकडून अंदाजे ९,६०० रुपये किमतीचा हातभट्टी दारूसाठा जप्त केला आहे. या प्रकरणी आरोपीविरुद्ध महाराष्ट्र दारूबंदी अधिनियम १९४९ मधील कलम ६५ (ई) अन्वये गुन्हा दाखल करण्यात आला आहे.
पोलिसांनी दिलेल्या माहितीनुसार, संतोष महादेव मासाळ (वय ३५ वर्षे, रा. दापोडी, ता. दौंड, जि. पुणे) याच्याविरुद्ध ही कारवाई करण्यात आली. २८ सप्टेंबर २०२६ रोजी सायंकाळी सुमारे ४.४५ वाजण्याच्या सुमारास मौजे दापोडी, ता. दौंड, जि. पुणे येथे आरोपीच्या राहत्या घराजवळील मोकळ्या जागेत ही कारवाई करण्यात आली.
पोलिसांच्या कारवाईदरम्यान आरोपीकडे बी.एन.एस.एस. कलम ३५(३) नुसार नोटीस बजावण्यात आली होती. तपासणीमध्ये एकूण ९,६०० रुपये किमतीच्या ४८० प्लास्टिकच्या पिशव्यांमध्ये (पुड्या) गावठी हातभट्टीची तयार दारू आढळून आली. प्रत्येक पुडीची अंदाजे किंमत २० रुपये असल्याचे नमूद करण्यात आले आहे.
पोलिसांनी हा दारूसाठा ताब्यात घेतल्यानंतर आरोपीविरुद्ध कायदेशीर कारवाई सुरू केली. या प्रकरणी पोलीस अंमलदार विकास बाबासाहेब मोरे यांनी कारवाई केली असून, त्यांच्यामार्फत तक्रार दाखल करण्यात आली आहे. पुढील तपास पोलीस अंमलदार काळे करीत आहेत.
ही कारवाई यवत पोलीस स्टेशन, पुणे ग्रामीण यांच्या हद्दीत करण्यात आली असून, अवैध हातभट्टी दारूविक्री व दारूबंदी कायद्याचे उल्लंघन करणाऱ्यांविरुद्ध पोलिसांकडून कारवाई करण्यात येत असल्याचे या प्रकरणातून स्पष्ट झाले आहे.